Klebersteinsbrotet

Kleberstein er ein mjuk og lett forma bergart som har vore nytta som byggestein og redskap (som til dømes steikeplater, ovner og kokekar) i tusenvis av år.

Me er stolte partnarar med Sunnhordland UNESCO Globale Geopark - ikkje berre på grunn av den spanande gullhistoria vår, men òg Klebersteinbrotet som ligg rett ved Gullvegen.

Dette steinbrotet, som ligg ved Urda (nede ved Lyklingfjorden), har levert byggestein for ca. 1000 år sida, til blant anna middelalderkyrkjene i Bergen, der dei mest kjende er Mariakyrkja, Domkyrkja og Korskyrkja. Moster gamle Kyrkje ved Moster Amfi, rekna som ei av Noregs eldste gjenværande kyrkjer, har òg stein her i frå.

Du finn eit informasjonsskilt ved klebersteinsbrotet, og sjekk gjerne ut Geopark Sunnhordland si nettside (lenke under her) for meir informasjon.